ನೀನಿಲ್ಲದೆ ನನಗೇನಿದೆ

ನೀನಿಲ್ಲದೆ ನನಗೇನಿದೆ
ಕನಸೆಲ್ಲ ಕಣ್ಣಲ್ಲೇ ಕಲೆಯಾಗಿದೆ
ಮನಸೆಲ್ಲೇ ನಿನ್ನಲ್ಲೆ ನೆಲೆಯಾಗಿದೆ

ನಿನಗಾಗಿ ಕಾದು ಕಾದು
ಪರಿತಪಿಸಿ ನೊಂದೆ ನಾನು
ಕಹಿಯಾದ ವಿರಹದ ನೋವು
ಹಗಲಿರುಳು ತಂದೆ ನೀನು
ಎದೆಯಾಸೆ ಏನು ಎಂದು
ನೀ ಕಾಣದಾದೆ
ನಿಶೆಯೊಂದೆ ನನ್ನಲ್ಲಿ
ನೀ ತುಂಬಿದೆ
ಭರವಸೆಯ ನಿನ್ನಿಂದ
ನಾ ಬಯಸಿದೆ

ನೀನಿಲ್ಲದೇ

ಒಲವೆಂಬ ಕಿರಣ ಬೀರಿ
ಒಳಗಿರುವ ಕಣ್ಣ ತೆರೆಸಿ
ಒಣಗಿರುವ ಎದೆ ಬಿಲದಲ್ಲಿ
ಭರವಸೆಯ ಜೀವ ಹಣಿಸಿ
ಸೆರೆಯಿಂದ ಬಿಡಿಸಿ ನನ್ನ
ಆತಂಕ ನೀಗು..
ಹೊಸ ಜೀವ ನಿನ್ನಿಂದ
ನಾ ತಾಳುವೆ..
ಹೊಸ ಲೋಕ ನಿನ್ನಿಂದ
ನಾ ಕಾಣುವೆ..

ನೀನಿಲ್ಲದೇ..
.

ನೆನಪೆ ಏಕೆ ಕಾಡುವೆ

ನೆನಪೆ.. ಏಕೆ ಕಾಡುವೆ..? ನೆನಪೆ..ಬಿಡದೆ ಕಾಡುವೆ.
ನೆನಪೆ.. ಏಕೆ ಕಾಡುವೆ..?
ಮನಸು ರಸನಿಮಿಷ ನೆನೆದು..
ಮನಸು ರಸನಿಮಿಷ ನೆನೆದು..
ಅದನೇ ಕನವರಿಸಿದೆ...
ನೆನಪೆ ಏಕೆ ಕಾಡುವೆ, ನೆನಪೆ ಬಿಡದೆ ಕಾಡುವೆ.

ಕಡಲ ತೀರದಲಿ ಕೈ ಕೈ ಹಿಡಿದು,
ಅಲೆದಾಡಿದೆವು ಅಲೆಗಳ ಮೇಲೆ..
ಕಡಲ ತೀರದಲಿ ಕೈ ಕೈ ಹಿಡಿದು,
ಅಲೆದಾಡಿದೆವು ಅಲೆಗಳ ಮೇಲೆ..
ಬೆರಳ ಕುಂಚದ ಪ್ರೇಮ ಬರಹಕೆ..
ಬೆರಳ ಕುಂಚದ ಪ್ರೇಮ ಬರಹಕೆ..
ಸಾಲದಾಯಿತು ಮರಳ ಹಾಳೆ.
ನೆನಪೆ.. ಏಕೆ ಕಾಡುವೆ..? ನೆನಪೆ..ಬಿಡದೆ ಕಾಡುವೆ.
ನೆನಪೆ.. ಏಕೆ ಕಾಡುವೆ..?

ನಲ್ಲೆಯ ಹಿಂದೆಯೆ ಬಂದು ಮಂದಿರಕೆ
ಸುತ್ತು ಹಾಕಿದೆ.. ಕೈ ಮುಗಿದೆ..
ನಲ್ಲೆಯ ಹಿಂದೆಯೆ ಬಂದು ಮಂದಿರಕೆ
ಸುತ್ತು ಹಾಕಿದೆ.. ಕೈ ಮುಗಿದೆ..
ಪ್ರೆಯಸಿ ಪ್ರೇಮ ಪ್ರಸಾದಕೆ ಕಾದೆ.
ಪ್ರೆಯಸಿ ಪ್ರೇಮ ಪ್ರಸಾದಕೆ ಕಾದೆ.
ನಾಸ್ತಿಕ ಆಸ್ತಿಕನಾದೆ..
ನೆನಪೆ.. ಏಕೆ ಕಾಡುವೆ..? ನೆನಪೆ..ಬಿಡದೆ ಕಾಡುವೆ.
ನೆನಪೆ.. ಏಕೆ ಕಾಡುವೆ..?

ಎಲ್ಲಿದೆ ಈ ನಗರದ ಒಳಗೆ,
ನಾವಿಬ್ಬರು ಕೂಡದ ತಾಣ..
ಎಲ್ಲಿದೆ ಈ ನಗರದ ಒಳಗೆ,
ನಾವಿಬ್ಬರು ಕೂಡದ ತಾಣ..
ಯಾವ ಕವಿಯೂ ಬರೆಯಲಾರ..
ಯಾವ ಕವಿಯೂ ಬರೆಯಲಾರ..
ನಮ್ಮ ಮಿಲನದ ಮಧುರ ಕವನ
ನೆನಪೆ.. ಏಕೆ ಕಾಡುವೆ..? ನೆನಪೆ..ಬಿಡದೆ ಕಾಡುವೆ.
ನೆನಪೆ.. ಏಕೆ ಕಾಡುವೆ..?
-

ಬಾ ಚಕೋರಿ .. ಬಾ ಚಕೋರಿ

ಬಾ ಚಕೋರಿ.. ಬಾ ಚಕೋರಿ..

ಬಾ ಚಕೋರಿ.. ಬಾ ಚಕೋರಿ.. ಚಂದ್ರ ಮಂಚಕೆ
ಬಾ ಚಕೋರಿ.. ಬಾ ಚಕೋರಿ.. ಚಂದ್ರ ಮಂಚಕೆ
ಜೊನ್ನ ಜೇನಿಗೆ ಬಾಯಾರಿದೆ.. ಜೊನ್ನ ಜೇನಿಗೆ ಬಾಯಾರಿದೆ
ಚಕೋರ ಚುಂಬನ

ಚಂದ್ರಿಕಾ ಮಧು ಪಾನ ಮತ್ತ.. ನೀಲ ಕುಂಭ ಪಯೋದವಿತ್ತ
ಚಂದ್ರಿಕಾ ಮಧು ಪಾನ ಮತ್ತ.. ನೀಲ ಕುಂಭ ಪಯೋದವಿತ್ತ
ವಕ್ಷ ಪರಿರಂಬನ ನಿಮಿತ್ತ ನಿರಾವಲಂಬನಾ..

ಚರಣ ನೂಪುರ ಕಿಂಕಿಣಿಕ್ವಣ.. ಮದನ ಸಿಂಗಿಣಿ ಜನಿತನೀಕ್ವಣ
ಚರಣ ನೂಪುರ ಕಿಂಕಿಣಿಕ್ವಣ.. ಮದನ ಸಿಂಗಿಣಿ ಜನಿತನೀಕ್ವಣ
ಚಿತ್ತರಂಜನಿ ತಳುವದೀಕ್ಷಣ.. ಚಿತ್ತರಂಜನಿ ತಳುವದೀಕ್ಷಣ
ಚಂದ್ರಮಂಚಕೆ ಬಾ ಚಕೋರಿ..

ತೆರೆಯ ಚಿಮ್ಮಿಸಿ.. ನೊರೆಯ ಹೊಮ್ಮಿಸಿ, ಕ್ಷೀರಸಾಗರದಲ್ಲಿ ತೇಲುವ..
ತೆರೆಯ ಚಿಮ್ಮಿಸಿ.. ನೊರೆಯ ಹೊಮ್ಮಿಸಿ, ಕ್ಷೀರಸಾಗರದಲ್ಲಿ ತೇಲುವ..
ಬಾಗು ಚಂದ್ರನ ತೂಗುಮಂಚಕೆ, ಬಾ ಚಕೋರಿ.. ಬಾ ಚಕೋರಿ..
ಎದೆಯಾರಿದೆ.. ಬಾಯಾರಿದೆ.. ಚಕೋರ ಚುಂಬನ.

ನಿಕುಂಜ ರತಿವನ ಮದನ ಯಾಗಕೆ.. ಅನಂಗ ರಕ್ತಿಯ ಬಿಂಬ ಭೋಗಕೆ
ಕಾಂಕ್ಷಿಯಾಗಿದೆ ನಗ್ನ ಯೋಗಕೆ..
ಇಕ್ಷು ಮಂಚರ ಸಾಗ್ನಿ ಪಕ್ಷಿಯ.. ಅಚಂಚು ಚುಂಬನ..
ಬಾ ಚಕೋರಿ.. ಬಾ ಚಕೋರಿ.. ಚಂದ್ರ ಮಂಚಕೆ
-

ಏಳೆನ್ನ ಮನದನ್ನೆ

ಏಳೆನ್ನ ಮನದನ್ನೆ, ಏಳು ಮುದ್ದಿನ ಕನ್ನೆ
ಏಳು ಮಂಗಳದಾಯಿ, ಉಷೆಯ ಗೆಳತಿ
ಏಳು ಮುತ್ತಿನ ಚಂಡೆ, ಏಳು ಮಲ್ಲಿಗೆ ದಂಡೆ
ಏಳು ಬಣ್ಣದ ಬಿಲ್ಲೆ, ಮಾಟಗಾತಿ

ಏಳೆನ್ನ ಕಲ್ಯಾಣಿ, ಏಳು ಬಾವದ ರಾಣಿ
ನೋಡು ಮೂಡಲದಲ್ಲಿ ರಾಗ ಮಿಲನ
ಏಳೆನ್ನ ಕಲ್ಯಾಣಿ, ಏಳು ಬಾವದ ರಾಣಿ
ನೋಡು ಮೂಡಲದಲ್ಲಿ ರಾಗ ಮಿಲನ
ಮರದುದಿಯ ತೋರಣದಿ ಹೊಂಬಿಸಿಲ ಬಾವುಟವು
ಗಾಳಿವಟ್ಟೆಯಲದರ ಚಲನ ವಲನ

ಮಂಜಿನರಳೆಯ ಹಿಂಜಿ, ತೋರುತಿಹ ನೇಸರನು
ಹಿಮಮಣಿಯ ದರ್ಪಣದಿ ತನ್ನ ಕಂಡು
ಮಂಜಿನರಳೆಯ ಹಿಂಜಿ, ತೋರುತಿಹ ನೇಸರನು
ಹಿಮಮಣಿಯ ದರ್ಪಣದಿ ತನ್ನ ಕಂಡು
ಮಿರುಗಿ ಹೊಗರೆರಿಹನು ಏಳೆನ್ನ ಹೊಂಗೆಳತಿ
ಮೊಗದ ಜವನಿಕೆ ತೆರೆದು ನಗೆಯ ನೀಡು

ಲಲಿತ ಶ್ರಿಂಗಾರ ರಸಪೂರ್ಣೆ ಚಂದಿರವರ್ಣೆ
ದ್ರಷ್ಟಿ ತೆಗೆಯಲು ಒಂದು ಮುತ್ತನಿಡುವೆ
ಲಲಿತ ಶ್ರಿಂಗಾರ ರಸಪೂರ್ಣೆ ಚಂದಿರವರ್ಣೆ
ದ್ರಷ್ಟಿ ತೆಗೆಯಲು ಒಂದು ಮುತ್ತನಿಡುವೆ
ನಿನ್ನ ಸಕ್ಕರೆ ನಿದ್ದೆ ಸವಿಗನಸ ಕಥೆ ಹೇಳು
ಒಂದು ಚಣ ಜಗವನ್ನೆ ಮರೆತುಬಿಡುವೆ

ಏಳೆನ್ನ ಮನದನ್ನೆ, ಏಳು ಮುದ್ದಿನ ಕನ್ನೆ
ಏಳು ಮಂಗಳದಾಯಿ, ಉಷೆಯ ಗೆಳತಿ
ಏಳು ಮುತ್ತಿನ ಚಂಡೆ, ಏಳು ಮಲ್ಲಿಗೆ ದಂಡೆ
ಏಳು ಬಣ್ಣದ ಬಿಲ್ಲೆ, ಮಾಟಗಾತಿ
-